काठमाडौँ । हातेमालो साहित्य संगमको आयोजनामा हामी र हाम्रो कृति अन्तर्गत साहित्यकार शैलेन्द्र कुमार थापाको कृति ‘भोगाइ‘ कृतिको एक कार्यक्रमका बीच विमोचन गरिएको छ ।

सुरेश वैद्यको सभापतित्वमा सम्पन्न कार्यक्रममा नेपाली कांग्रेसका महामन्त्री गगन कुमार थापा र मुक्तक अभियन्ता साथै वरिष्ठ मुक्तककार सुनिल अधिकारीको सहभागिता रहेको थियो । लीलाध्वज साहित्य प्रतिष्ठानका अध्यक्ष वरिष्ठ साहित्यकार विजयध्वज थापाले साहित्यकार शैलेन्द्रले आफ्नो जीवन भोगाइलाई कृतिको रूपमा प्रकाशनमा ल्याएको पुस्तकले समाजमा आम मानिसलाई जीवनको विषयमा सही जानकारी दिने बताए ।